शिव स्तोत्र 3

                       ।।श्रीशिवस्तोत्रं (असितकृत)।। 

                             ।।श्रीगणेशाय नमः ॥

                            ।।असित उवाच ।। 

जगद्गुरो नमस्तुभ्यं शिवाय शिवदाय च ।

योगीन्द्राणां च योगीन्द्र गुरूणां गुरवे नमः ॥ १॥ मृत्योर्मृत्युस्वरूपेण मृत्युसंसारखण्डन

मृत्योरीश मृत्युबीज मृत्युञ्जय नमोस्तु ते ॥ २॥

कालरूपं कलयतां कालकालेश कारण ।

कालादतीत कालस्थ कालकाल नमोस्तु ते ॥ ३॥

गुणातीत गुणाधार गुणबीज गुणात्मक ।

गुणीश गुणिनां बीज गुणिनां गुरवे नमः ॥ ४॥

ब्रह्मस्वरूप ब्रह्मज्ञ ब्रह्मभावे च तत्परः ।

ब्रह्मबीजस्वरूपेण ब्रह्मबीज नमोस्तु ते ॥ ५॥

इति स्तुत्वा शिवं नत्वा पुरस्तस्थौ मुनीश्वरः ।

दीनवत्साश्रुनेत्रश्च पुलकाञ्चितविग्रहः ॥ ६॥

असितेन कृतं स्तोत्रं भक्तियुक्तश्च यः पठेत् ।

वर्षमेकं हविष्याशी शङ्करस्य महात्मनः ॥७॥ 

स लभेद्वैष्णवं पुत्रं ज्ञानिनं चिरजीविनम । 

दरिद्रो भवेद्धनाढ्यो मूको भवति पण्डितः ॥८॥ 

अभार्यो लभते भार्यां सुशीलां च पतिव्रताम । 

इह लोके सुखं भुक्त्वा यात्यन्ते शिवसन्निधिम ॥९॥ 

इदं स्तोत्रं पुरा दत्तं ब्रह्मणा च प्रचेतसे । 

प्रचेतसा स्वपुत्रायासिताय दत्तमुत्तमम ॥१०॥ 

इति श्रीब्रह्मवैवर्ते महापुराणे श्रीकृष्णजन्मखण्डे 

असितकृतं शिवस्तोत्रं संपूर्णम ॥